VMRO-DPMNE: Bytyqi nxorri në pah gënjeshtrën e Zaevit

Në vend të 1.2 miliard eurove ndihmë sa thoshte kryeministri Zaev, qeveria ka dhënë vetëm 350 milion, thonë nga VMRO-DPMNE. Këtë sipas tyre e pranoi vet zv/ kryeministri Fatmir Bytyqi i cili sipas VMRO-së nxori në pah gënjeshtrën e kryeministrit Zaev.

 

Nga partia opozitare shprehen se megjithë marrjen e borxheve nga Banka Botërore, ribalancin e buxhetit dhe shpalljen e gjendjes së krizës, qeveria nuk arriti të përmbush kërkesat e bizneseve. Nga VMRO ngrejnë dilemën se ku kanë shkuar gjithë ato para. 

 

"Edhe përskaj të gjtiha mjeteve që qeveria i morri dhe e rriti borxhin publik për 1 miljard euro, për ekonominë dhe popullatën kanë ndarë 350 miljon euro. Pyesim se nëse LSDM thotë se ndihmën të cilën ja kanë dhënë ekonomisë është 1 miljard e 200 miljon euro, kurse Fatmir Bytyqi thotë se 350 milion euro, atëherë ku kanë përfunduar 850 milion euro?", u shpreh Gordana Dimitrievska Koçovska nga VMRO-DPMNE.

 

Ky reagim i VMRO-DPMNE-së vjen pas konferences së djeshme të mbajtur nga ana e zv.kryeministrit Bytyqi, I cili theksoi se shkas për mos arritjen e më shumë parave te qytetarët është joarsyeshmëria e aktorëve kryesor politk, duke aluduar në opozitën. Sipas Bytyqit shumë ligje u bllokuan në Kuvend.