Puçi në Mianmar, SHBA-ja sanksionon organizatorët

 

Në një deklaratën për mediat në Shtëpinë e Bardhë, Biden njoftoi vendimet e administratës së tij kundër grushtit të shtetit në Mianmar.

 

Biden edhe një herë dënoi grushtin e shtetit dhe u bëri thirrje udhëheqësve ushtarakë që “të lirojnë udhëheqësit civilë”.

 

Ai po ashtu tha se këtë çështje e kanë aktualizuar edhe në Këshillin e Sigurimit të Kombeve të Bashkuara (OKB) dhe gjithashtu e kanë diskutuar me aleatët ndërkombëtarë. Biden theksoi se gjithashtu do të vendosin sanksione ekonomike ndaj qeverisë së Mianmarit, duke përjashtuar ndihmat shëndetësore, shoqërinë civile dhe mbështetjet e ngjashme shoqërore, në përputhje me nevojat e popullit të Mianmarit.