Përmbytje dhe evakuime në Shkodër

 

 Siç duket edhe nga pamjet, uji ka mbuluar oborret e shtëpive, dhe si mënyrë për të kaluar deri tek mjeti i ushtrisë, janë vendosur disa goma makine.

 

Familjarëve u është dëmtuar gjithçka në banesa, që nga mobiljet e deri tek mjetet elektroshtëpiake.

 

 Ndërsa në lagjen Perash, forcat e Ndërhyrjes së Shpejtë i kanë ardhur në ndihmë një familjeje të prekur nga COVID-19.

 

Ekipi i kërkim-shpëtimit ka evakuuar anëtarët e kësaj familjeje, midis tyre një fëmijë paraplegjik.

 

 Sipas burimeve nga Bashkia, vërshimi i ujit ka sjellë shtimin e sipërfaqeve të përmbytyra.

 

 Përmbytje ka pasur edhe në qytetin e Vlorës, ku qendra është mbuluar nga uji, duke vështirësuar lëvizjen e mjeteve por edhe të banorëve.

 

Problematike paraqitet situata edhe në qarkun e Lezhës, ku janë përmbytur rreth 300 hektarë tokë bujqësore.

 

Sipas Autoritetit Rrugor shqiptar bën thirrje që drejtuesit e mjeteve të tregohen të kujdesshëm për shkak të reshjeve, të reduktojnë shpejtësinë si dhe të respektojnë sinjalistikën rrugore.