Kuvend, debat rreth maturës shtetërore

 

“Patjetër maturantët në këtë vit shkollor të japin provimet e maturës shtetërore me modifikim të përmbajtjes. Argumentet tona janë se ne nuk jemi në klasë që nga muaji mars 2020, pra një vit. Së dyti, kualiteti i mësimit online ndryshon shumë me atë të prezencës fizike, pastaj këtë vit kemi proces arsimor për 50 minuta më pak në javë në një lëndë. Këto modifikime i kanë bërë edhe në vendet më të fuqishme europiane dhe këtë duhet ta bëjmë edhe ne.”,- tha përfaqësuesi i Unionit i Shkollave të Mesme, Blendi Hodai.

 

“Nga propozimet që sot u debatuan do të isha ndaluar në dy mundësitë të cilat mund të jenë të pranueshme. E para zgjidhje ishte që maturantët të testohen në dy lëndë eksterne, ndërsa për lëndët interne t’i shkruhet një notë mesatare për katër vitet e shkollimit. Ndërsa propozimi tjetër ishte që të testohen në dy lëndë interne dhe eksterne, por me material të shkurtuar, dhe për këtë nuk është e nevojshme ndryshim i ligjit, të gjitha këto zgjidhje do t’i dërgojmë të elaboruara në mënyrë të shkruar deri tek MASh-i dhe Qeveria.”,- tha deputetja, Monika Zajkova.

 

Sipas prononcimeve të të gjitha palëve, marrëveshja finale duhet të kuptohet për disa ditë, pasi ta shqyrtojnë kërkesën e elaboruar me shkrim tek MASh-i dhe Qeveria. Në debat nuk mori pjesë ministrja e arsimit me arsyetimin se ndodhet në vetizolim për shkak të kontaktit me person të prekur me Kovid-19.