Mickoski fton shumicën për mosbesim ndaj qeverisë

 

“Për fat të keq, Maqedonia po fundoset nga dita në ditë, me këto njerëz, prandaj porosia ime deri te të gjithë deputetët është që të marrin guximin dhe të shohin në sy krimin për këtë përditshmëri. Njeriun, që plotëson këtë kënetë, ta rëzojmë në kuadër të Kuvendit. Ky është shansi i vetëm që të shpëtojmë shtetin tonë.”, tha Hristijan Mickoski, kryetar i VMRO DPMNE-së.

 

 

Edhe koalicioni ASH dhe Alternativa me qëndrim dhe kërkesë të ngjashme. Konsiderojnë se kjo qeveri ka dështuar në më shumë plane, ndërsa për rastin me Mijallkovion kërkojnë kokën e kryepolicit, Spasovski. 

 

“Pas gjoja ikjes së mëparshme të Gruevskit dhe ikjes së tashme të Mijallkovit është bërë e patjetërsueshme edhe ikja e Zaevit dhe e kësaj qeverie, që sigurinë këtij shteti e ka vendosur në kalkulimin e biznesit familjar ndërsa identitetin shtetëror e ka bërë narko-biznesin dhe korrupsionin.”, tha Skënder Rexhepi, ASH-Alternativa.

 

 

Opozita edhe ashtu dyshon në ekzistenën e shumicës parlamentare dhe parlajmëron një shumicë të re brenda kësaj përbërje parlamentare. Por, partnerët e koalicionit qeverisës mohojnë përçarjen e mundshme dhe mungesën e besimit ndaj Qeverisë. 

 

“Grupi parlamentar është stabil dhe e përkrah Qeverinë dhe politikat e Qeverisë.”, tha Arbër Ademi, BDI.

 

“Shumica parlamentare është stabile me 62 deputetë dhe tani për tani nuk ka shanse që të ketë shumicë të re parlamentare. Bëhet fjalë për luftë speciale mes VMRO DPMNE-së dhe LSDM-së.”, tha Pavle Trajanovski.

 

 

Ndërkaq, LSDM, kryesuese me Qeverinë, ftoi kreun e opozitë maqedonase Hristijan Mickovski që të ftojë edhe Gruevskin dhe Mijallkovin që të përbbalen me përgjegjsinë që kanë. 

 

“Tre vjet të plota Mickovski është në altarin e krimit, punon kundër drejtësisë dhe zgjidhjeve gjyqësore të lëndëve të PSP-së në të cilat janë Gruevski dhe Mijallkovi por edhe Milloshovski, Koamçevi dhe shumë të tjerë.” – thuhet në kumtesën e LSDM-së.