‘Plani aksionar’ i Georgievskit për kontestin me Bullgarinë, Zaev: Propozimi i Georgievskit, qëndrim personal i tij

Kreu i qeverisë  Zoran Zaev e cilëson propozimin e ish kryeministrit  Lupço Gergievski ide personale dhe zotohet se qeveria asnjëherë nuk do të pranojë model të tillë në tejkalimin e kontestit me fqiun lindor.  

Zaev thotë se është sqaruar me partnerin e tij koalicionues Georgievski ndërsa tha se komente tjera lidhur me mendimin  e tij për këtë çështje, ,mund të jep ai personalisht.

“Logjikisht ai pranoi   se është qëndrim personal I tij. I sqarova edhe njëherë se nuk mund të jetë qëndim as i qeverisë as i koalicionit sepse janë të qarta pozicionet tona dhe këtë ai e kuptoi. Sigurisht nëse e pyetni do t’ju jep koment… Nuk dua  të hy më detajisht në pjesën e negociatave për shkak të zgjedhjeve në Bullgari. Nuk do duhej të komentohej përmes mediave. Duhet të vazhdojnë bisedimet mes dy ministrive… Mendoj  se më thelbësisht mund të bisedojmë kur të kalojnë zgjedhjet, pasi të formohet qeveria bullgare” – tha Kryeministri Zoran Zaev.

‘Plani aksionar’ i Georgievskit për kontestin me Bullgarinë, Sajkovski: Plan i koordinuar mes Zaevit dhe Georgievskit

Por nga opozita maqedonase e quajnë ‘koordinim”  mes  Zaevit dhe Georgievskit  idenë e këtij të fundit lidhur me çështjen bullgare.

“Mendoj se Lupço Georgievski si partner koalicioni  i Zaevit në qeveri ,së bashku dhe në mënyrë të koordinuar i bëjnë këto procedura. Ndërsa pse i bëjnë, duhet të pyeten qytetarët  e Maqedonisë” – u shpreh Gjorgjija Sajkoski nga VMRO–DPMNE.

Ish kryeminsitri Lupço Georgievski  dje  ka shpaluar të ashtuquajturën  ‘plan aksionar” prej disa pikash,  i cili  propozon metodë për tejkalimin e kontestit me Bullgarinë.  Por propozimi i tij  nuk është mirëpritur dhe ka nxitur reagime të ashpra  në opinion. (Nermin Mulaki – Fejzullahu, TVM2)