Ligjëratë nga Omer Xhamali për sëmundjet kardiovaskulare
Kardiokirurgu shqiptar me famë botërore, Omer Xhamali, i njohur për transplantimin e parë të zemrës, sot, përpara studentëve dhe stafit akademik të Universitetit Shtetëror të Tetovës ka zhvilluar ligjëratën e tij të dytë kushtuar sëmundjeve kardiovaskulare.....
“Kardiokirurgjia për momentin ballafaqohet me disa sfida, por unë mendoj se në përgjithësi kemi sfidën e trajtimit të sëmundjeve kardiare dhe kardiovaskulare dhe mendoj se tendenca për trajtimin e këtyre sëmundjeve shkon në përpilimin e të ashtuquajturave hartim të zemrës, e cila më nuk do të përbëhet vetë nga kardiokirurgu apo nga kardiologu, po do të jetë një bashkëpunim më i gjerë me shumë ekspertë, të cilët kanë qasje në këtë lëmi”- deklaroi kardiokirurgu, Omer Xhemali.
Rektori i Universitetit Shtetëror të Tetovës, prof.dr.Vullnet Ameti, theksoi se USHT-ja, në kuadër të strategjisë zhvillimore të Fakultetit të Shkencave të Mjekësisë e ka në agjendë prioritet që para studentëve dhe stafit akademik të sjellë profesorë eminentë nga e gjithë bota, në fusha të ndryshme të mjekësisë.
“Ishte kënaqësi e veçantë të jesh në ligjëratën e profesorit, Omer Xhemali, ku ne në vazhdën e takimeve që kemi pasur me profesorin, kemi qenë në kontakt afër shtatë muaj, që ta përshtatim agjendën e profesorit, që të vijë të mbajë një ligjëratë para studentëve tanë”- tha rektori i USHT-së, prof.dr.Vullnet Ameti.
“Është nder dhe respekt për Universitetin Shtetëror të Tetovës, e në veçanti për Fakultetin e Shkencave të Mjekësisë, që sot, në mesin tonë është prezent kardiokirurgu i njohur shqiptar, Omer Xhemali, i cili dje dhe sot shkëlqeu me ligjëratat e tij”- u shpreh dekani i Fakultetit të Shkencave të Mjekë sisë, doc.dr.Nasir Bexheti.
Njëherit, rektorin i USHT-së, prof.dr.Vullnet Ameti, kardiologut, prof.dr.Omer Xhemalit i ndau një mirënjohje me logon e USHT-së, për kontributin e tij dhënë në fushën e mjekësisë. (Miftar Emini, TVM2)