Regjistrimi i diasporës, mbi 18 000 të evidentuar deri dje

 

Nga Enti Shtetëror i Statistikave, konfirmojnë se operacioni tani për tani po zhvillohet pa pengesa. Lidhur me aplikacionin për vetëregjistrim dedikuar për diasporën, nga ESSH sigurojnë se i njejti  është i sigurt dhe hedhin poshtë dyshimet se të dhënat e tyre mund të shfrytëzohen nga ana e ndërmarrjes e cila i përpunon ato.

 

Është paraparë që të dhënat e grumbulluara përmes Aplikacionit për vetëregjistrim të krahasohen me të dhënat nga baza regjistruese e të dhënave. Numri i personave të vetëregjistruar përmes Aplikacionit për vetëregjistrim, siç thonë nga ESHS, nuk do të thotë me automatizëm edhe numër i popullatës rezidente të Republikës së Maqedonisë së Veriut.

 

Vetëregjistrimi filloi të hënën me regjistrimin e diasporës, të punësuarit në përfaqësitë diplomatike-konsullare dhe familjet e tyre, pjesëtarëve të Armatës jashtë vendit, të burgosurve dhe të pastrehëve. Regjistrimi zyrtarisht në vendin tonë, do të zhvillohet nga 1 - 21 prill.