Maqedoni
Ministria e Shëndetësisë: Këtë vit nga “Pfizer” në RMV mbi 800 mijë vaksina
04.03.2021 14:30
Ministria e Shëndetësisë bën të ditur se ka pranuar marrëveshjen për vaksina kundër Covid-19 nga Kompania “Pfizer/BioNTech”...
Ministria e Shëndetësisë bën të ditur se ka pranuar marrëveshjen për vaksina kundër Covid-19 nga Kompania “Pfizer/BioNTech”, ku janë dhënë detaje në lidhje me shpërndarjen e vaksinave për vitin 2021.
“Prodhuesi “Pfizer/BioNTech” në vitin 2021 do të shpërndajë 800 mijë e 280 doza të vaksinave në Republikën e Maqedonisë së Veriut. Sipas marrëveshjes, dorëzimi i vaksinave do të bëhet në 4 kuartale, ndërsa dorëzimi i parë do të bëhet në mars”. thonë nga ministria e Shëndetësisë.
Zaev: Në mars priten 21 mijë vaksina nga “Pfizer”
Në Marrëveshja thuhet se Kompania “Pfizer/BioNTech” këtë muaj do të dorëzojë 21 mijë e 60 doza vaksinash në vendin tonë, bëjnë të ditur nga Ministria e Shëndetësisë. Marrëveshjen me “Pfajzer” e konfirmoi edhe kryeministri, Zoran Zaev.
“Marrëveshja me “Pfizer” ka arritur. Në tre mujorin e parë, kjo do të thotë diku në fund të marsit do të marrim ato 21 mijë doza të vaksinë “Pfizer”, në tre mujorin e dytë do të sigurojmë edhe më shumë sasi, dhe në tre mujorin e tretë do të sigurohen edhe më shumë vaksina.”,- tha kryeministri, Zoran Zaev.
Ministria e Shëndetësisë: Rritet për 56,4 numri i rasteve të reja me Kovid-19
Derisa vendi bën përpjekje për sigurimin e vaksinës anti Kovid raporti javorë për pandeminë në vend flet për rritje prej 56,4 për qind të infektimeve në periudhën prej 22 deri më 28 shkurt. Në këtë periudhë janë testuar gjithsej 20 mijë e 161 persona, që është për 27,2 për qind më shumë në krahasim me një javë më parë. Në këtë periudhë janë regjistruar 3 mijë e 628 raste të reja pozitive nga 32 qytete të vendit, ku vërehet rritje prej 56,4 për qind në krahasim me një javë më tarë bën të ditur Ministria e Shëndetësisë. Pjesa më e madhe e rasteve të regjistruara janë nga Shkupi mu janë regjistruar një mijë e 675 të infektuar apo 46,2 për qind, me një incidencë javore me mbi 271 në 100 mijë banorë.
Incidencë më të madhe javore prej mbi 681, është regjistruar në Negotinë dhe Kavadar. Përqindja e rasteve pozitive lëviz prej 12 deri 21,7 për qind, apo mesatarisht 17,9 për qind. Janë regjistruar persona të sëmurë në të gjitha grupmoshat. Më e përfaqësuar është grupmosha e personave të moshës mbi 60 vjeç. Por një numër i madh i të sëmurëve është regjistruar edhe në grup moshat prej 30 deri 39 vjeç ku brenda javës ka pasur 666 të infektuar apo18,4 për qind. Pas dy testeve negative të shëruar udhëhiqen 1.766 persona të cilët kanë qenë të shtruar në spitale apo trajtim në shtëpi, që është identike me një javë më pare. Po ashtu identikisht edhe rasti i vdekjeve, pasi në periudhën 22-28 shkurt janë raportuar 69 raste të vdekjeve nga 20 qytete, që është për një rast më pak në krahasim me javën e kaluar.
GYLTENE SINANI