Carovska: Të gjithë të kyçen në përpilimin e plan-programit

 

“U bëj thirrje të gjithë mësuesve dhe profesorëve që të përfshihen në përgatitjen e programit, sepse është me të vërtetë e rëndësishme për kapacitetin kombëtar.”,- tha ministrja e arsimit, Mila Carovska.

 

E pyetur rreth kërkesës së komunës së Çairit për rekonstruimin e shkollave, Carovska tha se kjo komunë nuk është përfshirë në program. 

 

“Çdo komunë dorëzon projekte në bazë të asaj se çfarë kanë më primare si investim dhe ato rangohet. Në program nuk është e futur komuna e Çairit. Kjo nuk do të thotë se me miratimin e projekteve  nëse i kemi të dorëzuara në sistem nuk do të thotë se ata nuk do të arrijnë të marrin një pjesë të investimeve këtë vit, gjithçka varet se në çfarë mënyre rangohen projektet dhe a janë për rikonstruim apo për ndërtim.”,- u tha ministrja e arsimit, Mila Carovska.

 

Carovska njëherit informoi se për momentin në rrjedha është  implementimi i programit për ndërtim dhe rikonstruim.