VMRO-DPMNE: Zaev me qeveri të zgjeruar tenton të shpëtojë

 

“Propozimi i tij për një qeveri të zgjeruar në të cilën ai vetë do të zgjidhte se kush do të drejtonte VMRO-DPMNE, është treguesi më i madh i një qeverie të luhatshme. Ky propozim është vetëm për shpëtimin e karrierës së tij. Një përpjekje për të shpëtuar nga drejtësia. Veprimi i orkestruar me disa ish-ministra, të cilët nuk janë më në VMRO-DPMNE, është një fakt që Zaev qëndron pas iniciativave të ndryshme të krijuara për të fshehur frikën e tij. Por, ai po harxhon koalicionet.”,- deklaroi zëdhënësi i VMRO-DPMNE-së, Naum Stoilovski.

 

Propozimi i kryeministrit Zaev nuk u mirëprit as nga lideri i BDI-së, Ali Ahmeti, sipas të cilit misioni i opozitës është që të shpreh vërejtjet e saj ndaj pushtetit. Edhe Lëvizja Besa me qëndrim të ngjashëm me BDI-në. Sipas tyre, opozita është një faktor i rëndësishëm dhe në këtë rast vendi do të mbetej pa opozitë. Ndërsa opozita shqiptare ASh- Alternativa ka paraqitur 3 kushte për t’u bërë pjesë e qeverisë, të ndryshojë 20% nga Kushtetuta, rastet e montuara të kenë prokurorë publikë dhe gjykatës të angazhuar nga BE dhe kushti i tretë është ligji për shtetësi.