Dorëheqja e Mexhitit, Grubi: Vendim personal, e respektoj

 

“Në mbledhjen e fundit konsultative të organeve partiake në detyrë, të gjithë ne u zotuam dhe i dhamë fjalë njëri tjetrit, mbështetëm absolutisht politikat e Ali Ahmetit dhe qëndrojmë pas dhe asaj deklarate që dha Ali Ahmeti pas asaj mbledhje unë skam asgjë çfarë ti shtoj dhe vendimi i shokut, mikut tim Izet Mexhtit, kolegut, bashkëpartiakut është vendim personal dhe e respektoj.”, tha Artan Grubi, zv/kryeministër.

 

Grubi gjithashtu mohoi se në qeveri nuk përfillet programi i BDI-së. Sipas tij, qeveria u votua me votat e 62 deputetëve, të cilët përkrahjen e rikonfirmuan përsëri javë më parë me votimin e mocionit të votëbeisimit të qeverisë. 

 

“Nuk di që ka jashta programit të BDI-së, për arsye se programi qeveritar është konfirmuar me votë nga po këta deputet në Kuvend kur është zgjedh edhe qeveria. Qeveria është zgjedhur me program qeveritar, i cili ka marrë përkrahjen e po këtyre 62 deutetëve dhe ripërkrahjen në votimin për mocionin e votëbesimit të qeverisë në javën e kaluar.”, tha Grubi.

 

Përndryshe Izet Mexhiti dje me anë të një letre ka njoftuar Kryetarin e Kuvendit, Talat Xhaferi, se tërhiqet nga pozicioni Koordinator i Grupit Parlamentar të BDI-së, për shkak të siç thotë qëndrimeve të tij se në subjektin të cilit i takon po ndodhin zhvillime të cilat nuk janë në favor të forcës më të madhe politike të shqiptarëve në RMV, por duke theksuar se vazhdon të mbetet gardian i politikave të Ali Ahmetit.