Qeveria miraton planin “Evropa në shtëpi”, Zaev: Nuk do të ndalemi me reforma

Qeveria ka miratuar  axhendën “Evropa në Shtëpi”, dokument që sipas kreut të ekzekutivit Zoran Zaev, do të shërbejë si udhëhrëfyes  për reformat në vend. Dokumenti  sipas tij është përgatitur në bazë të obligimeve  të ndërmara në suaza të trupave të përbashkët ndërmjet Maqedonisë së Veriut dhe BE-së ndërsa  përmban reformat që duhet ti realizojë  qeveria, parlamenti, komisioni për antikorrupsion si dhe institucionet tjera relevante.

Procesi eurointegrues nuk do të ndalet thotë Zaev, duke konfirmuar se edhe në planin e jashtëm nuk do të vazhdojnë angazhimet diplomatike për të filluar bisedimet me BE-në.

“Kohë të gjatë jemi në proces dhe gjithsesi nuk do të ndalemi. Përballemi me sfida, por nuk do të jemi të dekurajuar. Vazhdojnë përpjekjet politike dhe diplomatike dhe përpjekjet për heqje të vetos nga Bullgaria. Kur jemi të përkushtuar dhe të bashkuar rezultatet do të vijnë, patjetër të vijnë” – tha Kryeministri Zoran Zaev.

Dimitrov: Pas majit, më afër konferencës me BE-në

Gjasat për të qenë më afër BE - së është intervali pas muajit maj,  pasi të kenë mbaruar ciklet zgjedhore në disa shtete anëtare të BE-së dhe atyre kandidate tha  Dimitorv. 

“Po krijohet atmosferë ku  mendoj se do të ketë përpjekje serioze të gjendet  mënyrë që të ketë konsensus për  miratimin e kornizës negociuese dh përfundimisht  ta kemi konferencën ndërqeveritare. Atë  që sot ne e prezantojmë është pikërisht  sinjal se  duke  kontribuar në maksimum  të  depërtojmë në rrugëtim, nuk kemi luksin që ta lëmë punën në shtëpi sepse mes tjerash, bisedimet aderuese janë  mjet për sjelljen e standarteve evropiane në shtëpi” – u shpreh v.Kryeminstri për Eurointegrime, Nikolla Dimitrov.

Reagojnë nga VMRO-DPMNE. Sipas tyre nuk do të ketë “Shtëpi evropiane” derisa Zaev është kryeministër ndërsa planin  e cilësojnë si dështimtim të rradhës siç ishin ata paraprak. (Nermin Mulaki – Fejzullahu, TVM2)