Vazhdohet deri më 25 mars afati për dorëzimin e llogarive vjetore në Regjistrin Qendror

 

“Sipas kërkesave që arritën në Regjistrin Qendror, me të cilat kërkohet shtyrja e afatit për dorëzimin e llogarisë vjetore njoftojmë se Regjistri Qendror Vendosi që t’u dalë përballë obliguesve për dorëzimin e llogarisë vjetore dhe të kontabilistëve dhe ta vazhdojë afatin për parashtrim elektronik deri më 25.03.2021 deri në orën 24”, informojnë nga Regjistri Qendror.

 

Vendimi i këtillë për prolongimin e afatit, vjen pas masave nga Qeveria për mbrojtje dhe parandalim të virusit Korona,  si dhe për shkak të faktit që një numër i madh i kontabilistëve janë të sëmurë nga virusi dhe nuk kanë mundësi që t’i ruajnë afatet ligjore.

 

Vendimi për prolongimin e afatit është në përputhje me nenin 477 të Ligjit për shoqëritë tregtare.

 

Nga Regjistri Qendror theksojnë se deri dje, më 11 mars mbi 90 për qind e obliguesve tashmë e kanë dorëzuar llogarinë vjetore, por, theksojnë, megjithatë Regjistri Qendror si institucion servis i orientuar, gjithmonë është i gatshëm që t’iu përgjigjet kërkesave të shfrytëzuesve të tyre, në kuadër të mundësive ligjore.