Komiteti për Marrëdhënie Midis Bashkësive, Grubi prezantoi aktivitetet e Ministrisë që drejton

 

“Një sferë mjaft e rëndësishme në të cilën punohet është përdorimi i gjuhës duke formuar institucionet sikurse Agjencinë për Zbatimin e Gjuhës dhe Inspektorati si dhe formimi i planit aksionar me masa dhe aktivitete që ky proces akoma më shumë të jetë i suksesshëm. U pa se të drejtat e një etnie nuk prekin të drejtat e etnisë tjetër, por përkundrazi ato forcojnë kohezionin.”,- tha ministri, Artan Grubi.

 

Deputetët e bashkësive më të vogla, pasi adresuan kritika, kërkuan që përfaqësimi i tyre në institucione të jetë në nivelin e duhur. 

 

“Duke analizuar 10,15 vitet e fundit si dhe ministrat shqiptarë dhe maqedonas, punësimi ka shkuar vështirë për bashkësitë tjera.”,- theksoi deputeti, Enes Ibrahim.

 

“Edhe pse përqindja është e vogël, 0.84% ne si boshnjakë as atë përqindje s’mund ta arrijmë. Shpresoj se do të formohen grupe pune me programe të caktuara për përfshirje të plotë edhe të përfaqësuesve të të gjitha bashkësive.”,- u shpreh deputeti, Zekir Ramçilloviç.

 

Ndërkohë, VMRO–DPMNE nga ministri Grubi kërkoi të ndikojë në kthimin e dialogut brenda parlamentit.

 

“Mandati i kaluar karakterizohej me miratimin e ligjeve nga më shumë se 80 deputetë, të paraprirë nga dialogu i grupeve parlamentare të pushtetit dhe opozitës. ta vazhdojmë atë traditë dhe të ndalojmë me akuzat midis pushtetit dhe opozitës për funksionimin e kuvendit.”,- deklaroi koordinatori i VMRO–DPMNE–së, Nikolla Micevski.

 

Ministri, Artan Grubi, tha se në qeveri ka ngritur iniciativën për arritjen e konsensusit ndërpartiak por kërkoi qasje më konstruktive nga opozita në punën e kuvendit.