Shqipëri, 15 të vdekur e 662 të infektuar

Në Shqipëri dhe Kosovë vazhdon të shënohen shifra të larta të personave të infektuar dhe të vdekur nga virusi Korona. Në Shqipëri në 24 orët e fundit janë kryer 3119 testime, nga të cilat kanë rezultuar pozitivë 653 persona, ndërsa janë shëruar 662 qytetarë, ndërsa 15 persona e kanë humbur betejën me virusin. Aktualisht në spitalet COVID në Tiranë dhe tre spitalet rajonale po trajtohen 501 pacientë, 23 në terapi intensive, nga të cilët 7 pacientë janë të intubuar. Në Shqipëri vijon edhe procesi i vaksinimit anti COVID. Gjatë ditës janë kryer 234 vaksinime anti Covid dhe që nga fillimi i vaksinimit janë kryer 24,887 vaksinime për personelin shëndetësor, të moshuarit dhe mësuesit.

Kosovë, 6 të vdekur e 565 të infektuar

Ndërsa në Kosovë gjatë 24 orëve të fundit janë shënuar 6 të vdekur, 565 të infektuar dhe 304 të shëruar. Numri i përgjithshëm i infektimeve në Kosovë ka shkuar gjithsej në 64.666 raste, kurse numri i rasteve aktive është 10.885.