Stuhi rëre në 12 provinca në Kinë, skena apokaliptike në Pekin, 6 viktima në Mongoli

 

Ky fenomen shkaktoi ndotje të lartë të ajrit dhe në disa zona të kryeqytetit kinez shkoi deri në 160 herë mbi nivelin e rekomanduar. Qindra fluturime u anuluan, qielli u mbulua nga një mjegull ngjyrë portokalli, gjë e cila krijoi imazhe që ngjasojnë me skena apokaliptike.

 

Rëra është ngritur në ajër në Mongoli dhe u zhvendos në Kinë nga erërat e forta. Stuhia e rëndë u ka marrë jetën 6 personave në Mongoli, ndërsa disa të tjerë janë shpallur të zhdukur. Stuhia e rërës në Kinë, ka prekur 12 provinca, përfshirë Pekinin. Autoritetet kanë marrë masa për mbrojtjen e shëndetit të qytetarëve duke kufizuar të gjitha aktivitetet në ambiente të hapura.