Vaksinat kineze, VMRO-DPMNE: Antikorupcioni të hetojë rastin

 

“Këto janë dokumentet në të cilat shihet se Filipçe e ka autorizuar kompaninë kurse ky është nënshkrimi i tij. Këto janë dokumentet në të cilat shihet se në llogarinë e Deutsche Bank ka garancion prej 12.5 milion dollarë, këtu janë edhe dokumentet nga Hong Kongu ku shihet se kompania është e formuar vetëm tre muaj pas formimit të qeverisë së Zoran Zaev. I bëjmë thirrje edhe komisionit anti-korupcionit që menjëherë të hap rast dhe të shqyrtoj punën e Filipçes dhe për atë qëllim tani do të dorëzojmë ankesë.”, tha Mile Lefkov nga VMRO-DPMNE.

 

 

Ky veprim vjen pas paralajmrimit të ministrit të shndetsisë Venko Filipçe se do të ngrej padi penale ndaj deputetit Mile Lefkov, për siç tha shpifjet dhe gënjeshtrat e adresuara ndaj tij. Nga ministria e shëndetsisë thonë se partia  opozitare po shpërndan informacione të pavërteta dhe se nuk ka asgjë të parregullt me procedurën e prokurimit të vaksinave kineze. 

 

“Ministri i shëndetsisë Venko Filipçenë përputhje me ligjin për përgjegjshmëri publike për ofendim dhe shpifje pret nga deputeti i VMRO-DPMNE-së Mile Lefkov të kërkoj falje publike, kurse pastaj ashtu siç paralajmëroi deri në Gjykatën Themelore Shkupi 2 do të ngrit padi penale kundër tij. Ministria e Shëndetsisë deri më tani disa herë ka informuar opinionin se partia opozitare VMRO-DPMNE po plason informata të rrejshme në lidhje me prokurimin e vaksinave nga prodhuesi kinez Sinofarm”, thonë nga Ministria e Shëndetsisë. 

 

Megjithatë nga ministria e shëndetsisë për Servisin Publik nuk dhanë informacione se sa ka kushtuar prokurimi i vaksinave kineze. Përgjigje nuk dhanë as për kohën se kur duhet të arrijnë vaksinat.