Shoqata “Koalicioni rural” hap zyrën e shërbimeve edhe në Kërçovë

 

“Gjatë periudhës që vjen do të punojmë në informimin e popullatës vendore për hapjen e qendrës për shërbime elektronike, do të japim mbështetje teknike për qytetarët në shërbimet elektronike përmes puntorive on-line që do të rrisin kapacitetet e edukimit digjital të qytetarëve, për të qenë pjesë e platformës së digjitalizuar rurale.”, tha Liljana Jonoski, drejtoreshë ekzekutive e “Koalicionit rural”.

 

Qendra do të jetë e hapur për qytetarët dhe do të ofrojë informacione dhe shërbime për shfrytëzimin e subvencioneve përmes aplikimit elektronik, duke ndikuar drejtpërsëdrejti në strategjinë nacionale për funksionimin e agjendës digjitale dhe shfrytëzimit të shërbimeve elektronike të popullatës vendore.