Zaev dhe Nikollovski i shkruajnë Kuvendit, “të bashkohemi në luftën kundër korrupsionit”

Kryeministri, Zoran Zaev, dhe zëvendëskryeministri për luftën kundër korrupsionit, Ljupço Nikollovski, dërguan letër deri te kryetari i Kuvendit, Talat Xhaferi, dhe deri te të gjithë deputetët, duke theksuar rëndësinë e kuvendit në proceset lidhur me luftën kundër korrupsionit dhe krimit. Në letër theksohet nevoja për unitet në sjelljen e Strategjisë nacionale për parandalimin e korrupsionit dhe konfliktit të interesave, Planin e Veprimit për funksionimin e saj, si dhe ndryshimet e nevojshme ligjore të ndërlidhura me realizimin në kohë të një pjese të masave nga Plani operativ në luftën kundër korrupsionit .

“Duke u nisur nga nevoja që të eliminohen pengesat dhe që të avancojmë sistemin, gjegjësisht që të sigurojmë që institucionet gjithmonë të jenë në gatishmëri në linjat e para në luftën kundër korrupsionit. Institucionet duhet të sigurojnë, parandalojnë, njohjen dhe sanksionimin e çdo lloji të korrupsionit në të gjitha fushat e pushtetit, pa përjashtim. Me këtë letër ju drejtohemi Juve, të nderuar deputetë, si një lidhje kyçe për miratimin e kornizës së nevojshme ligjore dhe rregullores, dhe si përgjegjës për kontrollin dhe mbikëqyrjen mbi institucionet e pushtetit ekzekutiv dhe organeve të pavarura, me apel dhe lutje që t’i keni prioritet këtyre proceseve dhe të jepni impuls shtesë, i cili do të ndihmojë menaxhimin sistematik me korrupsionin”,- thuhet në letrën e kryeministrit Zaev dhe zëvendëskryeministri Nikollovski. Qeveria në mbledhjen e 50 saj e ka miratuar dokumentin operativ “Plani për luftë kundër korrupsionit”, si pjesë e prioriteteve nga “Aksioni 21 – Standarde evropiane në vend”.