Pakoja ekonomike peng i paralizës në Kuvend, Kostadinov: Opozita shpërdor situatën

 

“E gjithë opozita në Kuvend, bën çdo gjë që të bllokojë të gjitha proceset e rëndësishme për qytetarët dhe shtetin.  VMRO DPMNE, Aleanca dhe E Majta, janë në anën e kundërt të interesave të qytetarëve që u kanë dhënë besimin. Ligji për shtetësi është i bllokuar nga VMRO DPMNE dhe E Majta. Në marrëveshje me VMRO DPMNE-në dhe të Majtën, Aleanca opozitare i bllokon të gjitha zgjidhjet ligjore të tashme dhe të ardhshme. Ne nuk mund t’i ulim bashkë dhe të bëhemi ndërmjetësues për problemin e tyre të koalicionit.”, tha Kostadin Kostadinov, deputet i LSDM-së.

 

 

Opozita shqiptare deri tani ka dorëzuar mbi 30 mijë amendamente për 20 propozim-ligje në sfera të ndryshme. Paralajmërojnë edhe 30 mijë amendamente të tjera nëse sëbashku me pushtetin nuk gjejnë zgjidhje për pr/Ligjin për shtetësi. 

 

“Nuk jemi krenarë me faktin që dorëzojmë amendamente për propozim ligje të cilat i tangojnë qytetarët por, po, jemi krenarë për faktin që po mundohemi të bëhemi zëri i një kategorie qytetarësh, të cilët janë lënë anësh nga çdo kujdes institucional.", tha Skënder Rexhepi nga ASH-Alternativa.

 

 

Edhe VMRO DPMNE mohon akuzat për bllokim të punës së Kuvendit dhe miratimin e masave ekonomike anti-krizë. Konsiderojnë se, edhe ashtu, nuk ka para në buxhet për zbatimin e masave.   

 

“Vetëm mundem të theksoj se: Pushteti, përkatësisht Qeveria dhe Zaevi, po të deshte të miratojë pakoja e pestë masave dhe t’i ndihmohet ekonomisë këtë mund ta bënin ditën kur u votua besimi i Qeverisë së Zoran Zaevit.”, tha Dimçe Arsovski nga VMRO DPMNE.

 

Kryetari i Kuvendit, Talat Xhaferi anuloi seancën e paraparë për më 23 mars, ku në rend dite ishte Pakoja e pestë e masave ekonomike, pasi tre prej 62 deputetëve të shumicës janë diagnostikuar me COVID-19, që e bën të pamundur kuorumin dhe miratimin e pakos, por edhe për faktin që opozita ka dorëzuar qindra amendamente edhe për këtë pr/ligj.