Irak, rimerren 2 qytete të okupuara nga ISIS
Forcat irakiane, kanë arritur që të rikthejnë kontrollin në dy qytete në veri-lindje të Bagdadit, që ishin nën okupimin e militantëve të Shtetit Islamik......
Sipas një burimi nga ushtria irakiane dhe kurde, rreth 50 militantë të IS janë vrarë gjatë përleshjeve në qytetet Javalha dhe Saadiya.
Kurse në mesin e luftëtarëve kurdë, numërohen rreth 20 të vrarë. Përleshjet kanë vazhduar afër Ramadit në provincën Anbar.
Të mbështetur nga sulmet ajrore të udhëhequra nga Shtetet e Bashkuara, militantë shiitë, luftëtarë të fisit sunitë dhe forcat irakiane së fundmi kanë arritur që të rikthejnë disa qytete të okupuara nga militantët e IS.
Edhe qytetet Baiji dhe Jurf al-Sakhr po ashtu janë rikthyer, megjithatë pjesë të mëdha në këto vende vazhdojnë të mbesin nën kontrollin e militantëve të IS, pjesë si Mosul, Tikrit dhe Fallujah.