“Covid 19”, 41 viktima, 303 raste të reja, 1169 të shëruar

Ministria e Shëndetësisë në 24 orët e fundit nga  1405 testime të bëra ka regjistruar 303  raste të reja të të infektuarve, kanë humbur jetën  41   persona,  ndërsa  janë shëruar 1169   pacientë.

Me numrin më të madh të të infektuarve kryeson Shkupi me 195 raste i pasuar nga Prilepi 28, Kumanova 17, Gostivari 14, dhe qytetet e tjera me numër më të  ulët të  të infektuarve.Betejën me covid 19 e kanë humbur 41  pacientë, prej të cilëve gjashtëmbëdhjetë nga Shkupi,nga  pesë pacient nga Prilepi dhe Velesi, nga tre pacientë në Kumanovë dhe Negotinë dhe nga një pacient në Strugë, Berovë, Gjebgjeli, Vinicë, Shtip, Strumicë, Gostivar, Koçan dhe Dibër.

Raportet e Institutit të Shëndetit Publik tregojnë se vetëm për një javë janë shtuar 5 mijë raste aktive dhe  vdekshmëria është rritur në përqindje. Gjatë javës që lamë pas janë shënuar rreth 30 viktima në ditë, ndërkaq mesatarja e të shëruarve ka kaluar afërsisht 700 pacientë, njoftojnë nga Instituti i Shëndetit Publik.

Por, autoritetet shëndetësore thonë se nuk ka vend për panik dhe  nuk planifikohet shtimi i masave restriktive anti kovid. Sipas tyre, masat aktuale të kombinuara me vetëdijen e qytetarëve, janë të mjaftueshme për të mbajtur nën kontroll valën e tretë të pandemisë. 

Komisioni për Sëmundje Infektive mbledhjen e së hënës ku duhej të shqyrtohej situata epidemiologjike e la për të marten, kur pritet të mbahet edhe mbledhja e këshillit të sigurisë e konvokuar nga presidenti Pendarovski, për të disuktuar pikërisht për gjendjen me pandeminë dhe imuinizimin e popullatës.

Ndërkohë ,numri i përgjithsëm i të diagnostifikuarve nga fillimi i pandemisë shënon  127.240   prej tyre  janë shëruar 105.524   kanë humbur jetën е 3.716    dhe numri i rasteve aktive shënon 18.000. (Flutura Latifi, TVM2)