Fillon vaksinimi masiv i qytetarëve, do të vaksinohen personat mbi 75 vjeçarë

 

 

 

“Unë u vaksinova, tani po pres kartonin ku do të më tregojnë se kur duhet të rivaksinohem.”, thanë qytetarët. 

 

 

Në njërën prej qendrave të vaksinimit, në atë të poliklinikës Jane Snadanski, lëvizshmëria e qytetarëve ishte e madhe që nga orët e hershme të mëngjesit. Madje kishte edhe nga ata që kanë ardhur pa caktuar termin.  

 

"Interesi është i madh. Ju e shihni se pensionerët tanë nuk flejnë shumë. Qysh nga ora 6 të mëngjesit kanë qenë këtu. Disa janë të pa informuar dhe kanë ardhur këtu pa bërë termin. Procedura për vaksinim shkon përmes mjekut amë, përmes “Termimi im”.", tha Bore Radevski, drejtor i poliklinikës “Jane Sandanski”.

 

 

Ndërkohë që në vendin tonë është paraqitur rasti i parë me reagim të trombozës si pasojë e marrjes së vaksinës Astra-Zeneka. Bëhet fjalë për një 28 vjeçare e cila ka qenë e vaksinuar në Serbi, kurse reagimi i është paraqitur pas 6-7 ditësh, informoi ministri i shëndetsisë Venko Filipçe. 28 vjeçarja është e hospitalizuar dhe se është në gjendje të mirë shëndetsore. Mirëpo sipas tij, aksina Astra Zeneka është e sigurt për personat më të moshuar se 60 vjeç.

 

“Nuk duhet të krijohet panikë, vetëm duhet të ndiqen rekomandimet. Nuk do të shpejtojmë, do t’i presim të gjitha rekomandimet e institucioneve zyrtare, gjithashtu edhe të vetë kompanisë.”, tha Venko Filipçe, ministër i shëndetsisë.

 

Filipçe informoi se tek ne imunizimi me vaksinën Astra-Zeneka do të vazhdojë vetëm te popullata mbi 60 vjeçare, kurse për të tjerët do të priten rekomandime shtesë nga Kanadaja, Gjermania, të cilët të parët e ndërprenë vaksinimin e popullates ndër 60 vjeç. Filipçe informoi se qytetarët të cilët janë vaksinuar në Serbi do të rivaksinohen në vend, në përputhje me rekomandimet.