Selmani: Regjistrimi duhej të fillonte, për mosveprim parashihet ndëshkim

 

“Në këtë rast prej sot duhet të fillojë regjistrimi ngaqë mënyra legjislative e abrogimit të ligjit detyrimisht duhet të bëjë Kuvendi me sjelljen e ligjit tjetër për ta abroguar këtë ligj dhe çdo veprim tjetër ka përgjegjësi personale, e patë edhe deklaratën e fundit edhe të drejtorit të entit statistikor ku ai merr përsipër dhe është veprim penal derisa të arrihet abrogimi i këtij ligji, ligji aktual është në fuqi.”,- tha profesori universitar, Bashkim Selmani.

 

Selmani njëherit thekson se kjo situatë e krijuar nga tavolinat e bisedimeve dëmtojnë edhe aspiratat e Maqedonisë për tu bërë pjesë e BE-së.

 

“E ashtuquajtura “Skopska platforma” rrënon gjithçka që është në funksionim të shteti dhe së drejtës dhe akoma më shumë përforcon këto dy parti të mëdha dhe duke i vënë partitë politike shqiptare në thirrje morale dhe thjesht në dyshimin dhe pasurinë e votuesve se vallë pse ne duhet zgjedhim partitë politike shqiptare ku vendimmarrja politike mbi kushtetutën dhe ligjin është VMRO dhe LSDM. Dhe kjo platformë e Shkupit nuk i bën nder shteti por na dëmton gjithë neve edhe në aspektin moral edhe atë juridik edhe atë ndërkombëtar që Maqedonia nuk ka tendenca për të aderuar në BE.”,- u shpreh profesori universitar, Bashkim Selmani.

 

Selmani më tej shton se ky konfuzitet që e krijon klasa politike dëmton edhe reputacionin e vendit karshi BE-së duke pasur parasysh se bëhet fjalë për çështje rëndësinë e procesit që ka regjistrimi.