Kumanovë, nxehen prindërit, policia qetëson situatën

Për dallim nga protestat e ditëve të kaluara, sot ato ishin më masovike, duke bllokuar hyrje-daljen në objektin e shkollës, madje në një moment u evitua edhe eskalimi i situatës. Më pas u desh të asistojë edhe policia, për të zhbllokuar hyrjen në shkollë. 

 

Ndërkohë kryetari i Kumanovës, Zoran Damjanovski, organizoi një konferencë për gazetarë, në të cilën njoftoi se me Ministrinë e Arsimit dhe Shkencës, lidhur me problemin në fjalë, tash tre muaj janë duke shkëmbyer shkresa.

 

Njëherit ai theksoi se nuk ka baza ligjore për të bërë pagesën e transportit të nxënësve nga Likova, siç bëhet për nxënësit e shkollës së ekonomisë, bujqësisë e teknikës, pasi që në territorin e komunës fqinje ekziston gjimnazi.

 

Mirëpo megjithatë ai i bëri apel ministrit të Arsimit dhe Shkencës, që të ulen e të bisedojnë në interes të nxënësve. 

 

Ndërkaq, në një prononcim për gazetarë, ministri i Arsimit dhe Shkencës, Abdylaqim Ademi, ishte decid se Komuna e Kumanovës e ka për obligim t’i heq shpenzimet e transportit të nxënësve.  

 

Nga ana tjetër, prindërit nuk heqin dorë nga kërkesat e tyre, andaj paralajmërojnë vazhdimin e protestave.