Opozita tërhoqi amendamentet, pakoja e 5-të ekonomike merr dritë jeshile nga KFB

 

Përmes amendamenteve që u shqyrtuan,  u zgjatën deri më 30 prill afatet e aplikimit për kompanitë dhe pronarët individual. VMRO DPMNE përmes 17 amendamenteve, kërkoi që ndihma të vlejë për dy muaj shtesë. Por kërkesa u hodh poshtë nga maxhoranca e cila u arsyetua se në masat e miratuara nga qeveria, përfshihen edhe këto fonde. Në Komision u miratua edhe ligji për ndihmën e kategorive të rrezikuara të qytetarëve që përfshin 22 mijë qytetarë të cilët vitin e kaluar nuk arritën t’i marrin 6000 denarë ndihmë shtetërore,  për shkak të afateve të shkurtra.  Afati për ta tashmë është gjatur deri më 31 maj.