Mbërrijnë 10.530 vaksina nga Pfizer, Filipçe në Beograd, diskuton rreth vaksinave

 

Vaksinat janë siguruar përmes negociatave të drejtpërdrejta me prodhuesin. Bëhet fjalë për 10.530 doza të vaksinës “Pfizer”, të cilat nga e mërkura do të shpërndahen në pikat e vaksinimit në vend, ku vaksinimi po zhvillohet në përputhje me Strategjinë Kombëtare të Imunizimit të Popullsisë, theksojnë nga Ministria e Shëndetësisë. Edhe Austria ka njoftuar se planifikon që deri në muajin gusht të shpërndajë 651 mijë doza të vaksinës kundër COVID-19 të kompanisë Pfizer për gjashtë vendet e Ballkanit Perëndimor, si pjesë e një skeme të Bashkimit Evropian. Bosnja e Hercegovina do të marrë pjesën më të madhe të vaksinave me 214 mijë doza, e ndjekur nga Shqipëria me 145 mijë doza, Maqedonia e Veriut me 119 mijë doza dhe Serbia është e fundit me 36 mijë doza.

 

Ndërkohë Ministri i Shëndetësisë, Venko Filipçe, së bashku me përfaqësues të Ministrisë së Shëndetësisë, do të zhvillojnë sot një vizitë zyrtare në Beograd, ku do të takohen me ministrin e Shëndetësisë të Serbisë, Zllatibor Lonçar dhe me drejtoreshën e Institutit të virologjisë, vaksinave dhe serumeve “Torlak”, Vera Stoiljkoviq. Mes tjerash do të diskutohet edhe për gjendjen me pandeminë dhe furnizimin me vaksina.