OBSH optimiste: Pandemia vihet nën kontroll brenda disa muajve

"Ne kemi mjetet për të futur pandeminë nën kontroll brenda disa muajsh, nëse ato zbatohen në mënyrë të qëndrueshme dhe të barabartë. Shqetësim përbwn  shkalla e lartë të përhapjes së Covid 19 tek personat e moshës 29 deri 59 vjeçare në mbarë botën, gjë që mund të jetë për shkak të varianteve shumë më ngjitëse. U deshën 9 muaj për të arritur një milion vdekje, 4 muaj për të arritur 2 milionë dhe 3 muaj për të arritur 3 milionë.", tha Tedros Adhanom Ghebrejesys, kreu i OBSH-së.

 

Aktivistja për ndryshimet klimatike Greta Thunberg, iu bashkua konferencës virtuale nga Suedia. Sipas saj, një në katër persona në vendet e pasura tani është vaksinuar kundër Covid 19, vetëm një në më shumë se 500 njerëz në vendet e varfëra ka marrë njërën dozë.

 

"Nacionalizmi i vaksinave po udhëheq shpërndarjen e vaksinave.E vetmja gjë e drejtë morale është t’u jepet përparësi njerëzve që janë më të rrezikuarit, pa marrë parasysh se a jetojnë në një vend të pasur a të varfër.", tha Greta Thunberg, aktiviste për ndryshimet klimatike.

 

Ajo theksoi se është joetike që vendet e pasura po i japin përparësi vaksinimit të shtetasve të tyre të rinj përpara grupeve që rrezikohen nga virusi korona në vendet në zhvillim.