Dimitrov në Letoni, RMV duhet filluar bisedimet, BE në test

Maqedonia e Veriut  i ka plotësuar të gjitha kushtet për fillimin e bisedimeve dhe do të ishte dështim shumë - dimensional poqese edhe këtë vit procesi eurointegrues i vendit nuk kurorëzohet me sukses.

Kështu ka dekaruar zv/kryeministri për eurointegrime, Nikolla Dimitrov në takim me homologun etij  nga Letonia, Edgards Rinkeviçs.

Dy bashkëbiseduesit janë dakorduar se  nevojitet përmbyllje e  procesit të bashkimit të Evropës përmes përfshirjes së Ballkanit Perëndimor në ombrellën e BE-së.

“Unë u mundova ti them të gjitha argumentet dhe në njëfarë mënyre të ilustroj  se përse RMV e vëndon në test BE-në,  jo vetëm për vitet e lëshuara në të kaluarën, por edhe për portofolin tonë  të reformave si dhe për liderët tanë në çështjet e vështira. Mendoj se do të jetë  gabim strategjik  nëse edhe këtë vit ne,  së bashku me  fqinjët tanë dhe miqt nga BE, nuk shpallim sukses të përbashkët” – tha Zv.Kryeministri për Eurointegrime, Nikolla Dimitrov.

Rinkeviçs: Letonia përkrah procesin euro-integrues

“Besoj se është koha që edhe formalisht të fillojë procesi me konferencën e parë ndërqeveritare. RMV tash është anëtare e plotfuqishme e NATO-s. Është partnere e shkëlqyer  në çdo aspekt,  dhe është në harmoni me politikën e jashtme të përbashkët me BE-në. Sinqerisht  shpresoj se Maqedonia e Veriut  do të bëhet anëtarja  e 28-të e BE-së” – tha Ministri i Jashtëm i Letonisë, Edgards Rinkeviçs.

Dimitrov është takuar edhe me zyrtarë të tjerë të Lituanisë ndërsa do të takohet edhe me poltikanë nga vendet tjera baltike. (Nermin Mulaki – Fejzullahu, TVM2)