Tentuan të prishnin grumbullimet për iftar, përleshje në Jerusalem, mbi 100 të lënduar

Mbështetësit e Lehava-s, marshuan drejt Portës së Damaskut në Jeruzalem, në  një protestë anti-Arabe të planifikuar. 

 

Sipas mediave lokale, grupi synonte të prishte mbledhjet pas iftarit, prishjen e agjërimit të ditës gjatë muajit të shenjtë mysliman të Ramazanit në zonën e Portës së Damaskut, në anën veriore të Qytetit të Vjetër të Jeruzalemit. Policia u përpoq të mbante larg grupet kundërshtare, por u përfshi në përleshjet mes aktivistëve hebrenj të ekstremit të djathtë dhe kundër-protestuesve palestinezë.

 

Sipas “Times of Israel”, mbi 100 palestinezë dhe rreth 20 oficerë u plagosën gjatë përleshjeve, ndërsa policia izraelite hapi zjarr me granata tymuese dhe topa uji për të shpërndarë protestuesit, të cilët, nga ana tjetër, lëshuan fishekzjarre drejt tyre.