“Dhoma Publike”, PTHP me akuzë për për kreatorin e administruesin

Prokuroria e Shkupit ka ngritur akuza kundër dy personave, të moshës 32 dhe 21 vjeç, të cilët akuzohen për krimin e “Prodhimit dhe Shpërndarjes së Pornografisë së Fëmijëve”. Nga Prokuroria Publike sqarojnë se  të dy këta persona, akuzohen se në periudhën prej 19.12.2019 deri më 28.01.2020, si themelues dhe moderator të grupit të parë ,  "Dhoma Publike" në aplikacionin celular Telegram, kishin për detyrë të  të kujdeseshin për përmbajtjen tekstuale dhe audiovizive të materialeve që ndaheshin me anëtarët e tjerë të grupit.

Nga Prokuroria thonë se të dy personat, me qëllim  lejuan që në  grup të shpërndaheshin  materiale audiovizive që tregonin veprime të dukshme seksuale me fëmijë. Prokurori kërkon që të zgjatet  masa e  paraburgimit për dy të pandehurit, për shkak të rrezikut të arratisjes, si dhe mundësisë për të ndikuar tek dëshmitarët dhe viktimat  dhe për të mbuluar gjurmët e krimit. Grupi i parë "Dhoma Publike", u mbyll po pas pak kohësh u hap një tjetër aplikacion i njejtë me përmbajtje të ngjashme i cili po hetohet.