Besimtarët ortodoks festojnë pashkët, qytetarët urojnë shëndet për të gjithë

Qytetarët e përkatësisë fetare ortodokse sonte kremtojnë festën më të madhe fetare Pashkët, apo ringjalljen e Krishtit. Kishat në mbarë vendin u mbushën përplot me nejrëz të cilët dëgjonin liturgjinë për pashkët. Z.z Stefan me këtë rast tha se maqedonasit  u treguan si popull që do Krishtin dhe Zotin.

 

"Për festën e pashkëve edhe përskaj pranisë së pandemisë ne i gëzohemi lajmit më të hareshëm, lajmit për ringjalljen e Krishtit. Duke festuar të mos i harrojmë ata që janë të sëmurë, ata që kujdesen për ta dhe shpirtrat e atyre që  humbën jetën nga sëmundja e rrezikshme që është e pranishme gati më dy vjet", u shpreh kryepeshkopi i Ohrit dhe Maqedonisë, z.z  Stefan.

 

Me maska dhe distancë gjatë mbajtjes së liturgjisë së  pashkëve sot në kishën qendrore u respketuan masat për mbrotje nga pandemia. Shëndet dashuri dhe unitet për të gjithë dëshiruan besimtarët.

 

 

 

"Sot mendoj se edhe Zoti do të ndihmojë të jep fuqi, gëzim, paqë dhe poashtu shëndet për të gjithë njerëzit në rruzullin tokësor", u shprehen qytetaret.

 

Ndërkohë Arkipeshkvi i Ohrit Sasho elaboroi edhe për ndyrshimet e sistemit arsimor.

 

"Në arsim në formë të disa reformave të çuditshme nga të cilat është përjashtuar opinioni objektiv është pranuar ndryshimi i identitetit tonë historik, kulturor dhe shpirtëror. Në këtë mënyrë është dëmtuar jo vetëm e tashmja por edhe e ardhmja, sepse fëmijët po orientohen drejt vlerave joadekuate dhe të huaja të cilat janë në kundërshtim me pikpamjet e prindërve të tyre . Në shoqërinë e hapur për të gjithë nuk ka vend për etikën dhe vlerën morale të religjoneve , nuk ka vend për përvojën e kishës, nuk ka vend për Zotin", theksoi prifti Sasho Nikollovski. 

 

Ringjallja e Krishtit në mesnatë u shpall në të gjitha tempujt e kishës ortodokse maqedonase. Besimtarët ortodoks me shprehjen Krishti u ringjall me të vërtetë u ringjall, e pritën festën më të madhe ortodokse pashkët.