Qeveria afgane thotë se ka vrarë mbi 100 talibanë

Ministria e Mbrojtjes e Afganistanit tha se mbi 100 militantë janë vrarë në luftimet midis forcave qeveritare dhe talibanëve, gjatë dy ditëve të fundit.

 

Në deklaratën e Ministrisë thuhet se 52 talibanë janë plagosur, por nuk jepen detaje për ndonjë viktimë në mesin e forcave qeveritare.

 

Ministria tha se përleshjet kanë ndodhur në disa provinca, përfshirë Kandaharin - ish-bastionin e talibanëve.

 

Talibanët nuk i kanë komentuar luftimet.

 

Dhuna në Afganistan ka qenë në rritje mujave të fundit, pasi negociatat midis dy palëve, që kanë për qëllim t’i japin fund konfliktit 20-vjeçar, kanë ngecur.

 

Më 1 maj, ushtria amerikane ka nisur zyrtarisht tërheqjen e trupave të mbetura nga Afganistani, me urdhër të presidentit Joe Biden.

 

Tërheqja do të përfundojë më 11 shtator.

 

Brenda muajsh do të tërhiqen edhe forcat tjera joamerikane të NATO-s.

 

Kjo ka rritur shqetësimet për aftësinë e forcave afgane të sigurisë për të luftuar talibanët dhe grupet e tjera terroriste.

 

Por, Biden ka thënë se Shtetet e Bashkuara do të vazhdojnë të veprojnë kundër grupeve terroriste që, sipas tij, “kanë metastazuar në të gjithë botën”./evropaelire