Protestetë para zyrës së Pendarovskit, protestuesit: Mos i mbroni terroristët e “27 prillit”

 

"Jemi mbledhur para presidencës, por hasëm në një kordon policor. U mblodhëm për të reaguar kundër deklaratës së presidentit Stevo Pendarovski, sipas të cilit të dënuarve të 27 prillit duhet tu hiqet termi terrorizëm. Presidenti ka shkel betimin e tij dhe po ju shërben vetëm palës maqedonase. Pse asnjëherë nuk i komentoj rastet e montuara politike ndaj shqiptarëve.  Jemi mbledhur që t’i bëjmë thirrje Pendarovskit që të mos i mbrojë terroristët sepse demokracia nuk e lejon një gjë të tillë.", tha Blerim Ahmeti, organizator i protestës.

 

Sipas protestuesve, deklarimet e tilla të presidentit janë përzierje e drejtpërdrejtë e kreut të shtetit në gjyqësor. Ata kërkuan që nëse presidenti këmbëngul që autorët e 27 Prillit të mos dënohen për terrorizëm, atëherë duhet ta kerkojë të njejten gjë edhe për rastet politike të montuara kundër shqiptarëve.