Botë
Vaksinim edhe për fëmijët 12-15 vjeç
05.05.2021 09:22
Fëmijët amerikanë 12-15 vjeç do jenë objektivi i radhës për t'u imunizuar kundër Covidit-19....
Fëmijët amerikanë 12-15 vjeç do jenë objektivi i radhës për t'u imunizuar kundër Covidit-19, teksa po ngadalësohet ritmi i vaksinimeve në SHBA. Entoni Fauçi, eksperti për pandeminë, thotë se imunizinimi edhe i fëmijëve është i nevojshëm për t'u rikthyer jeta normale.
Amerika synon të vaksinojë 70 për qind të të rriturve brenda 4 korrikut, me rastin e Ditës së Pavarësisë.
105 milionë apo një e treta e amerikanëve kanë marrë të paktën një nga dozat kundër Covidit-19 dhe gati 1 milion veta po imunizohen përditë.
Presidenti Xho Bajden tha se tashmë vaksinimi duhet të nisë gradualisht edhe me fëmijët.
"Së pari, me fëmijët e moshave midis 12 dhe 15 vjeç që tani nuk e kanë të drejtën e vaksinës. Dozat do ua shpërndajmë direkt pediatërve gjatë javëve në vijim që prindërit dhe fëmijët të flasin me mjekun e familjes dhe ta bëjnë vaksinën atje ku besojnë më shumë."