Bilanci global nga Covid, janë raportuar 3,25 mln viktima por dyshohet të jenë 6,9 mln

Mbi 3 milionë e 250 mijë njerëz në gjithë botën nuk i kanë mbijetuar dot infeksionit prej Covidit-19, por mosmarrja parasysh e vdekjeve jashtë sistemit shëndetësor dhe testimi jo i duhur i rasteve hedh dyshime se bilanci mund të jetë të paktën dy herë më i lartë.

 

Pandemia e Covidit-19 mund të ketë shkaktuar jo 3 milionë e 250 mijë por rreth 6,9 milionë vdekje nëpër botë, dyfishin e numrit që raportohet zyrtarisht.

 

Sipas Institutit amerikan për Matjen dhe Vlerësimin e Shëndetit në Universitetin e Uashingtonit, shumica e shteteve regjistrojnë vetëm vdekjet në spitale ose të pacientëve që janë konfirmuar se bartin koronavirusin.

 

Vdekshmëria prej Covidit lidhet ngushtë me nivelin e testimit kundër sëmundjes.

 

"Nëse nuk teston shumë atëherë mundësitë janë që nuk i gjen si duhet vdekjet prej kovidit," theksoi drejtuesi i institutit, Kristofer Mwrei.