Estoni, zhvillohet takimi Dimitrov – Liimets. Dimitrov: BE të mbajë premtimin, të nis bisedimet me RMV-në

 

“Është veçanërisht e rëndësishme që ky hap i fundit në rrugën tonë, nisja e bisedimeve për anëtarësim, të realizohet tani, në të kundërtën do të shkaktojë pakënaqësi më të mëdha pas ngujimit të gjatë në dhomën e pritjes të BE-së. Para 20 vitesh nënshkruam marrëveshjen e stabizilim asociiimit, jemi vend kandidat për 16 vite dhe akoma nuk kemi nisur bisedimet, kjo krijon ndjenjën e hidhërimit. Maqedonia e Veriut ka arritur shumë ndër vitesh dhe tani është koha që BE të mbajë premtimin.”,- tha zëvendëskryeministri për eurointegrime, Nikolla Dimitrov.

 

 

Ministrja Liimets riafirmoi mbështetjen estoneze mbi politikat e zgjerimit të BE-së dhe ardhmërinë europiane të Maqedonisë së Veriut. Ajo theksoi se BE duhet të zbatojë metodologjinë e re dhe të shqyrtojë gjitha mundësitë që sa më shpejtë të mbahet konferenca e parë ndërqeveritare me Maqedoninë e Veriut.

 

“Vendi ka përmbushur kushtet e nevojshme për të nisur bisedimet për anëtarësim në BE dhe Estonia mbështet mbajtjen e konferencës së parë ndërqeveritare me Maqedoninë e Veriut sa më shpejtë të jetë e mundur. Shpresoj se çështjet të cilat pamundësojnë këtë hap, do të zgjidhen së shpejti.”,- tha ministrja për punë të jashtme të Estonisë, Eva Maria Liimets.

 

Njëkohësisht, në takim, Dimitov dhe Limets kanë biseduar për thellimin e bashkëpunimit në fushën e dixhitalizimit nëpërmjet mbështetjes teknike dhe ekspertëve.