Aleanca për Shqiptarët dhe Alternativa: Qeveria do t’i blejë mediat me paratë e qytetarëve

 

“Është tejet e çuditshme si në kohë pandemie dhe të një krize ekonomike, e cila po troket në derë, qeveria i jep prioritet një projekti si ky, por edhe më skandaloze është fakti se do të zgjidhet një kompani e cila pastaj do të vendosë se cilat portale do të marrin nga këto mjete financiare me kritere të padëgjuara deri më tani. Sipas asaj që duket, listën e tyre do e përpilojë Qeveria me portalet e pëlqyera. Në kohën kur vetëm 3% e popullatës janë vaksinuar, nuk ka si komentohet ndryshe ky hap i qeverisë, përpos si një tentativë për rritjen e trysnisë mbi mjetet e informimit, për t’i korruptuar mediet, për të tentuar blerjen e tyre, si dhe për shpagim të medieve "të tyre’’ në prag të zgjedhjeve lokale. Nisur nga kjo, i apelojmë Qeverisë që t’i përgjigjet kërkesës së punëtorëve turistikë dhe mjetet t’ua transferojë atyre si ndihmë, që ata vetë të kujdesen për reklamim të turizmit vendor.”,- tha Orhan Murtezani nga Koalicioni Aleanca për Shqiptarët–AlternAtivA.