Kuvendi i Shqipërisë, komision hetimor për shkeljet e Metës

24 orë pas miratimit në Komisionin e Ligjeve, edhe Kuvendi ia dha dritën jeshile ngritjes së një komisioni hetimor për të hetuar shkeljet e pretenduara të kreut të shtetit.

 

Me 98 vota pro, 5 kundër dhe 2 abstenim, në seancën plenare u vendos ngritja e komisionit të posaçëm për të shqyrtuar kërkesën e 49 deputetëve të mazhoracnës.

 

Balla e cilësoi si detyrim moral shkarkimin e Metës nga posti i Presidentit, ndërsa ftoi edhe liderin e opozitës, Lulzim Basha, t’i bashkohej kësaj nisme.

 

Pas këtij vendimi ka reaguar zëdhënësi i presidentit, Tedi Blushi, i cili paralajmëroi se presidenti nuk do të njohë asnjë vendim të parlamentit aktual.

Kjo është nisma e dytë e Partisë Socialiste për shkarkimin e presidentit Meta, pas asaj të vitit 2019, që u rrëzua nga Komisioni i Venecias.