VMRO-DPMNE: Qeveria ditën e fillon me idenë se si t’i vjedh qytetarët

 

“Nëse VMRO dhe deputetët e VMRO-së mendojnë për interesa të qytetarëve dhe jo për interesa ditore politike, Qendra Klinike do të ishte punë e kryer. Partia që 11 vite ka gënjyer qytetarët për ndërtim të një qendre të re klinike nuk kishte sukses dhe sot që kemi një vendim për ndërtimin e një qendre të re klinike pas 80 viteve si një investim kapital më i madh deri tani për shëndetin publik. VMRO bllokon këtë proces vetëm për mbrojtjen e krimit dhe kriminelëve në ndërtesën e tyre.”- deklaroi Kostadin Kostadinov nga LSDM.

 

Ndaj LSDM–së ka reaguar VMRO-DPMNE, sipas të cilëve vetëm në syrin e LSDM-së ekzistojnë politika të suksesshme ekonomike. 

 

“Sa i përket gënjeshtrave dhe manipulimeve të LSDM-së për ndërtimin e Qendrës Klinike, do të përsërisim se as VMRO-DPMNE dhe as qytetarët nuk do të lejojnë mega krim nga qeveria më e korruptuar në Evropë e udhëhequr nga Zaev. Ata po përpiqen të shpenzojnë më shumë se gjysmë miliardi euro me një studim të vjetruar të fizibilitetit prej 30 faqesh, ashtu si u përpoqën të marrin provizione gjatë furnizimit me vaksinat kineze, dhe dhjetëra skandale të tjera të mëdha korrupsioni.”,- thuhet në reagimin e VMRO-DPMNE-së. 

 

Nga partia e Mickoskit gjithashtu thonë se deri sa në LSDM mburret me fraza dhe plane, qytetarët zhyten në varfëri, ndërsa 600 mijë qytetarë mezi mbijetojnë.