Tiranë: Besimtarët falin Bajramin në sheshin Skenderbeu

Mijëra besimtarë myslimanë kanë mbushur sheshin “Skënderbej” në Tiranë, ku është zhvilluar ceremonia e faljes së namazit. Kryetari i Komunitetit Mysliman, BUjar Spahiu, uroi besimtarët për sa më shumë paqe e begati dhe të jenë gjithmonë të bashkuar.

 

Menjëherë pas ceremonisë, një person ka tentuar të djegë veten me benzinë, ndërsa është neutralizuar nga besimtarët e pranishëm. Nënkryetari i Komunitetit Mysliman, Taulant Bica e cilësoi si një incident sporadik që nuk ka lidhje me besimin.

 

Burime policore kanë bërë të ditur se 40 vjeccari që tentoi të vetëdigjej, vuan nga probleme të shëndetit mendor.