Turizëm të sigurt në kohë pandemie, promovohet platforma “Safetravels”

 

“Bëjmë thirrje deri tek i gjithë sektori i gastronomisë dhe hotelerik në RMV që pikërisht të shfrytëzojnë këtë mundësi që ta posedojnë edhe atë vulën e sigurisë dhe në atë mënyrë të përkujdesemi për shëndetin dhe sigurinë e turistëve vendorë, por edhe të turistëve të huaj.”,- tha ministri i ekonomisë, Kreshnik Bekteshi.

 

“Dua t’i falënderoj institucionet që e bënë hapin e parë në njohjen zyrtare të standardeve botërore të sigurisë për turizmin, përpjekjet e institucioneve dhe sektorit privat. Maqedonia e Veriut tani është në hartën e shteteve për të cilat Këshilli Botëror për udhëtime dhe turizëm ka dhënë vulë të sigurisë.”,- tha ambasadorja e Zvicrës në Maqedoninë e Veriut, Sibel Zuter Tejada. 

 

“Në vitin 2020 e treguam se edhe vendi ynë ka destinacione që mund t’i ofrojë për turistët vendas, 2021 është viti ku veç më agjencia jonë për promovimin dhe mbështetjen e turizmit nga muaji prill me strategjinë e planifikuar ka vendosur të reklamohet në rajon dhe në disa tregje strategjike që presim të rrisin numrin e turistëve në vend.”,- u shpreh drejtori i Agjencisë për Promovimin dhe Mbështetjen e Turizmit, Ljupço Janevski.

 

Platforma SAFE TRAVELS është realizuar në bashkëpunim me Ambasadën e Zvicrës dhe odat ekonomike. Ministri Bekteshi gjithashtu njoftoi se tashmë është përgatitur shpallja për vauçerët për turizëm vendor dhe gjatë kësaj jave do të publikohet.