Lidhja e Organizatave të personave me diabet, prej 3 muaj vështirësi për furnizim me ilaçe: MSH, insulina në shitje nga dita e martë

Lidhja e Organizatave të personave me diabet ka deklaruar se prej tre muajsh këta persona vështirë mund ti sigurojnë ilaçet. Sipas tyre në barnatoret insulin ka, por të njëjtit nuk e japin për shkka të problemeve me shifrat, ndërsa medikamentin tjetër Viktoza e posedojnë vetëm barnatoret e Shkupit.

“Për lentat dhe lacentat deri para një muaje nuk kishte, dhe na është premtuar se do të na jepen për tre muaj, tani ka në barnatoret, por përsëri janë bërë gabime në regjistrimin e tyre në shifrat e regjistrimit, dhe prandaj ato janë në barnatore, por ne nuk mund ti marrim” – tha Kryetari i Kwshillit Organizativ tw Diabetwve, Dimçe Velev.

Por nga Ministria e Shëndetësisë pohojnë se pacientët nuk janë lënë pa insulin, por gjatë kësaj kohe përshkak ndryshimit të softverit për medikament tjetër për insulinën, të njëjtat nuk janë dhënë, por që nga dita e martë kur priten të hapen barnatoret për insulin produktet do të jetë në duart e pacientëve, thuhet në komunikatën e Ministris së Shëndetësisë.

Nga kjo minsitri sqarojnë, se aparatet për matjen e glikemisë nuk janë dhënë, për shkak se është ndryshuar softuer për llojin e ri të produkteve të insulinë – shiringa të tipit 1 dhe 2.

“Potencojmë, se nuk ka ndonjë problem në sasinë e shiringave, lentave dhe aparateve për matjen e insulinë, por se në pjesën e evidentimit, problem që tashmë tejkalohet dhe nga e marta, kur do të jenë të hapura barnatoret e insulinës, produktet e njëjta të insulinës, do të jenë të qasshme për pacientët“, njoftojnë nga MSH-ja. 

Lidhja e Organizatave të personave me diabet, diabetikët e tipit një të vaksinohen me prioritet

Për imunizimin e personave me diabet thonë se interesimi tek të njëjtit është I lartë, dhe vaksinohen në bazë të kufizimeve vjetore. Por nga Lidhja e Organizatave të personave me diabet kërkojnë që përparësi ti jepet personave me diabet të tipit 1, pa marrë parasysh moshën.

“Personat me diabet tip 1 ti vendosin në listën e pritjeve më lartë, respektivishtë më shpejt ti thirin në vaksinim dhe kështu më shpejt ta fitojnë imunizimin, sepse ato janë më të rezikuarit” – u shpreh Velev.

Edhe pse vendi nuk posedon listë zyrtare të diabetikëve, mendohet se rreth 120 mijë persona janë të prekur nga diabeti, prej të cilëve rreth 40 mijë janë nën ndikim të insulinës.