Qipro, pesë vjeçari del pozitiv për kokainë, arrestohet babai, policia është në kërkim të nënës

Një fëmijë 5-vjeçar në Qipro rezultoi  pozitiv për kokainë. Nëna e tij u largua nga  vendi së bashku me dy fëmijët e tjerë të mitur pasi u denoncua në polici, raporton CNN Greece.

 

Zëdhënësi i Policisë, Christos Andreou, deklaroi se çështja arriti në polici të hënën dhe pas një hetimi për të gjetur nënën e të miturit, u vërtetua se ajo është  larguar nga Republika e Qipros një ditë më parë, të dielën.

 

Ai shtoi duke thënë se hetimet për gjetjen e nënës së 5 vjeçarit po vazhdojnë.

 

Sipas të dhënave të policisë, më 21 maj 5 vjeçari nën kujdesin e prindërve atëherë,  kishte bërë analizat  e gjakut, nga ku rezultoui pozitiv ndaj substancave narkotike.

 

Laboratori i bëri thirrje prindërve të denonconin rastin në polici, gjë që ata nuk e bënë, por rasti u denoncua nga laboratori.

 

Si rezultat babi 45 vjeçar u arrestua, ndërsa nëna është në kërkim.