Çairi nis largimin e veturave të braktisura

 

“Shumë mirë është kjo që ka bërë komuna, pasi ashtu edhe nuk ka vende parkimi. Ka shumë ashtu lloje makinash, është dashur më herët që të ndërmerret ajo.”,- tha një qytetar.

 

“Shumë mirë, të lirojnë rrugët, pengojnë ato që pastrojnë rrugët.”,- u shpreh një qytetar. 

 

“Patjetër që duhet të largohen, nëse nuk është vend parkim i paraparë për ato patjetër që duhet larguar.”,- theksoi një qytetar. 

 

Nga komuna e Çairit thonë se pronarëve u është dhënë afat prej 8 ditësh t’i largojnë automjetet e tyre, ndërsa pas këtij afati do të vijojnë mekanizmat e tjerë të largimit të makinave.

 

“Ekipi i angazhuar i punës dhe inspektorët komunal në pajtim me rregulloren e miratuar për këtë çështje vendosën paralajmërime në veturat lëndë e këtij aksioni, duke dhënë afat prej 8 ditëve për largimin e tyre nga ana e vetë pronarëve. Pas mbarimit të këtij afati të përcaktuar do të vijojnë mekanizmat tjerë të largimit të këtyre automjeteve nga hapësirat publike në përputhje me rregulloren nga ana e shërbimeve tona deri në largimin përfundimtar të tyre.”,- thonë nga komuna e Çairit.

 

Veturat e braktisura në territorin e komunës së Çairit janë të shumta, ndërsa kërkesa për largimin e tyre ka pasur shpeshherë nga qytetarët.