KE: Asnjë kufizim në udhëtim për të vaksinuarit

 

KE propozon që njerëzit plotësisht të vaksinuar duhet të përjashtohen nga testimi ose karantina gjatë udhëtimeve brenda Unionit, me kusht që të kenë marrë dozën e fundit të vaksinës së paku 14 ditë para udhëtimit. E njëjta edhe për ata që  dëshmojnë se e kanë kaluar infektimin. 

 

Për të tjerët, KE propozon  që masat të zbatohen varësisht se nga cila zonë arrijnë. Për  zonat e gjelbra nuk do të ketë asnjë masë kufizuese. Për ata që arrijnë nga zona portokalli do të kërkohet vetëm testi negativ.Për ata që arrijnë nga zonat e kuqe do të kërkohet karantinë vëtëm derisa të jenë në pritje të rezultatit të testit.Vetëm për qytetarët që vinë nga zona “e kuqe e mbyllur”, me situatë të rëndë epidemiologjike, do të kërkohet testimi dhe karantina. 

 

Në vjeshtë ndërkohë pritet vendimi i BE-së për vaksinën ruse "Sputnik V". Gati 70 shtete , mes tyre edhe Maqedonia e Veriut, por edhe dy vende të BE Hungaria dhe Sllovakia,  përdorin "Sputnik V" edhe pse EMA nuk e ka aprovuar të njejtën. 

 

Deri tani në BE është dhënë leje për përdorimin e vaksinave BioNTech/Pfizer, Moderna, AstraZeneca dhe Johnson&Johnson.