Botë
Putin firmos ligjin, Rusia tërhiqet nga “Traktati i qiejve të hapur”
07.06.2021 13:17
Presidenti rus, Vladimir Putin, ka nënshkruar ligjin për tërheqjen zyrtare të Rusisë nga Traktati i Qiejve të Hapur...
Presidenti rus, Vladimir Putin, ka nënshkruar ligjin për tërheqjen zyrtare të Rusisë nga Traktati i Qiejve të Hapur, një pakt që lejon fluturime të mbikëqyrjes së paarmatosur mbi vendet anëtare. Dokumenti është publikuar në portalin zyrtar të informacionit juridik.
Më 19 maj, dhoma e ulët e parlamentit rus miratoi njëzëri ligjin. Dhoma e sipërme e ndoqi shembullin më 2 qershor, kur miratoi unanimisht vendimin. Rusia ka thënë se një vendim i SHBA-së për të mos u ribashkuar me paktin e Qiejve të Hapur ishte një “gabim politik”, ndërsa Moska dhe Uashingtoni po përgatiten për një samit midis presidentëve të vendeve këtë muaj.