Ministri gjerman, Mass: Premtimi për RMV-në dhe Shqipërinë duhet mbajtur

 

“Duhet patjetër ta plotësojmë premtimin për fillimin e bisedimeve me Maqedoninë dhe Shqipërinë. E ardhmja e gjashtë vendeve të Ballkanit Perëndimor është në BE. Gjermania është tërësisht e përkushtuar në këtë qëllim. Nëse realizoni ju, edhe ne do të realizojmë. Kjo do të jetë qasje e jona për zgjerimin e BE-së edhe në të ardhmen.”,- tha ministri i jashtëm gjerman, Hajko Mass.

 

 

Fillimi i bisedimeve me BE-në do të ketë ndikim pozitiv për tërë rajonin në arritjen e vlerave evropiane tha ministri i jashtëm, Bujar Osmani.

 

“Përfshirja e vendeve të Ballkanit Perëndimor në procesin aktiv dinamik  aderues  do t’i angazhojë shoqëritë në krijimin e vlerave të  reja, progres dhe konkurrencë pozitive. Bashkëpunimi rajonal bëhet gjithnjë e më i rëndësishëm, të demostrohet qenësi dhe lidership i përbashkët politik. Fakti se kemi dallimet tona dhe qëndrime të ndryshme nuk e përjashton bashkëpunimin në të gjitha sektorët që kanë të bëjnë me BE-në.”,- u shpreh ministri i jashtëm, Bujar Osmani.

 

Në video - takim me ministrat pjesëmarrës nga rajoni dhe vendet e BE-së, Osmani informoi për iniciativën për një platformë joformale  të bashkëpunimit politik – Ballkan 6 në format ministrash që do të synonte thellimin e bashkëpunimit mes vendeve të rajonit në fushat me interes të përbashkët.