Demostrata të reja në Bregun Perendimor, adoleshenti palestinez vdes nga të shtënat e ushtrisë izraelite

Demostrata të reja u zhvilluan në qytetet e Bregut Perëndimor,  Nablus, Qalqilya dhe Ramallah. Ushtarët izraelitë me forcë e përdorim armësh dhe gazi lotsjellës, shpërndanë protestat kundër vendbanimeve të paligjshme hebraike.

Një adoleshent palestinez u vra dhe shumë  palestinezë të tjerë  u plagosën. 

Vrasja e të riut u konfirmua nga Ministria Palestineze e Shëndetësisë në një deklaratë, megjithatë, nuk u dha detaje të tjera. Ministria shtoi se gjashtë palestinezë u plagosën nga plumbat e vërtetë dhe u dërguan në një spital në Nablus.

Sipas shifrave izraelite dhe palestineze, rreth 650 mijë kolonë izraelitë jetojnë në Bregun Perëndimor të okupuar dhe Kudsin Lindor.

Ligji ndërkombëtar i konsideron Bregun Perëndimor dhe Kudsin Lindor si territore të okupuara dhe e konsideron të paligjshme të gjithë veprimtarinë e ndërtimit të vendbanimeve hebraike atje.

Në vitin 1967 Izraeli pushtoi pjesë të mëdha të territoreve palestineze, duke përfshirë Bregun Perëndimor, Rripin e Gazës, Gadishullin Sinai dhe pjesën perëndimore të Lartësive të Golanit.

Këshilli i Sigurimit i OKB-së miratoi disa rezoluta, duke e detyruar Izraelin të lëshojë territoret e okupuara, por Izraeli neglizhoi të gjitha.